Ekki fyrir viðkvæma!

Já ég skammast mín.  Ég skammast mín ofaní tær og uppí haus.  Ég er hölt af tilfinningum er varða samviskubit og ég er ósofin og friðlaus vegna fjarveru minnar hér.   En þetta hefur allt sína útskýringu.   Ég er búin að vera BISSÍ.  
19.mars frumsýndi ég söngleik á Eyrabakka með snillingunum úr FSU sem heitir Grís Horror og er svar mitt við Grís er riðið hefur yfir heimsbyggðina oft og mörgum sinnum með boðskap sem er svo fáránlegur að það er varla hægt að lesa handrit af Grís án þess að fá hroll af horror. 

Söngleikur þessi gerist í Taimirsky í Rússlandi.  Þar sem hversdagslíf fjöldamorðingjanema í fjöldamorðingjaskólanum kemst í uppnám þegar skólastjórnin ákveður að innrita Fórnarlamb í skólann.  Allt fer í uppnám og þurfa krakkarnir að svara nokkrum áleitum spurningum sem herja á þá í þessari krísu.  Spurningar eins og - er hægt að vera siðblindur og ástfangin á sama tíma? - Er betri lykt af ljóshærðu hári? - Er félagsfræði af hinu vonda? og aðrar áleitnar spurningar sem við spyrjum okkur oft að.  Hér fyrir neðan eru myndir úr söngleiknum og vil ég vara fólk við þeim.  Þetta er samt allt Feik! 

 

 

 

 

 

 

Næstu sýningar eru Fimmtudaginn 8. apríl, Föstudaginn 9. apríl og svo POWER sýning Laugardaginn 10. Apríl.  

Athugasemdir

[Sunna Sigrúnardóttir, 4.4.2010 kl. 14:05]

looking good! oooooh hvað ég gæfi mikið fyrir að sjá þetta.....glatað mál að búa á norðurpólnum!

[Hrönn Sigurðardóttir, 4.4.2010 kl. 17:49]

Láttu mig vita ef þú kemst að niðurstöðu um það hvort hægt sé að vera ástfanginn og siðblindur á sama tíma. Þetta er spurning sem ég hef velt mikið fyrir mér upp á síðkastið

Gangi ykkur vel með sýninguna. Ég hef heyrt að hún sé frábær! Enda hvernig væri annað hægt?

[Eyrún (IP-tala skráð) 5.4.2010 kl. 17:24]

Fórum út í gleðikasti

Þetta leikrit var alger snilld og krakkarnir voru alveg MÖGNUÐ!

[María Ólöf Sigurðardóttir, 9.4.2010 kl. 18:35]

Þið eruð öll æðisleg. Gangi ykkur vel í kvöld elskur ;)