Er "Y" í orðinu "veruleikafirrt"?

"Mikill öryggisviðbúnaður er á sjúkrahúsinu þar sem söng- og leikkonan Jennifer Lopez ætlar að fæða á. Starfsfólk á sjúkrahúsinu á Long Island í Bandaríkjunum tók allt þátt í æfingu á föstudag þar sem viðbúnaður við því ef barni er rænt var æfður." mbl.is

Frábært veganesti útí lífið fyrir litlu "salsa" greyin. Þau eru orðin veruleikafirrt áður en þau fæðast!!

En reyndar ætla ég að tileinka mér þetta, rétt í þessu hafði ég samband við Bónus búðina í Njarðvík og fékk að tala við verslunarstjórann. Ég tjáði honum að ég ætlaði að koma og versla þar svona um fimmleytið og hvort þau gætu verið búin að æfa ótímabært brotthvarf mitt af öðrum aðila áður en ég kæmi. Ég bjallaði síðan í BYKO og bað konuna á símanum að kalla út brunaæfingu hið snarasta því ég væri útá bílastæðinu og kæmi ekki inn fyrr en ég væri 100 prósent viss um að brunaleiðir væru aðgengilegar og að starfsfólkið sem yfirleitt veit ekki einu sinni hvað hlutirnir kosta gerði sér grein fyrir hvort það ætti að vera inni að passa múlinex tækin eða hlaupa út úr eldtungunum ef svo bæri undir. Korteri seinna renndi ég uppað bílalúgu KFC og bað konuna um að rétta mér yfirlitsblaðið um verkskipulag starsmanna ef suðurlands jarðskjálftinn kæmi nú einhvern tímann. Nú bíð ég fyrir utan Bónus og er að gera það upp við mig hvort ég eigi að þora inn og er að reyna að meta eftir minni líkamsstyrk starfsmanna ef að einhver skildi vilja ræna mér þegar ég kaupi nýlenduvörurnar mínar.

Já ég skil hana Jenny from the block....mér finnst bara glatað að bara starfsfólk sjúkrahússins hafi tekið þátt, ég hefði beðið um allt Long Island og ekkert minna, enda ekki veruleikafirrt eins og sumir..

Mikill viðbúnaður á sjúkrahúsi

Athugasemdir

[mamma þín (IP-tala skráð) 14.2.2008 kl. 19:53]

elsku krúttið

Ef þú hefðir hringt í mig þá hefði ég getað tekið út þessa staði, því ég var á ferð í Keflavík á þessum tíma.  Þar sem þú ert nú erfingi krúnunnar hefði ég að sjálfsögðu gert það.  En þú veist að slæm umfjöllun er betri en engin og JminLo veit það. Haltu áfram að vera þú og þú mannst að mér finnst mikið.  Kveðja til uppáhalds tengdadóttur minnar.

[Halldór Sigurðsson, 14.2.2008 kl. 20:48]

Long Island ????
Ég skil mína hetju og fyrirmynd - Jennifer - mjög vel.
Hel að ég eigi allar kassetturnar með henni

[Sigrún, 14.2.2008 kl. 22:30]

Ekkert Y í veruleikafirrt svona svo það sé á hreinu hehehe. En frekar fyndin frétt, alltaf gaman þegar manni er bent á svona :)

[Sólveig (IP-tala skráð) 15.2.2008 kl. 00:17]

Ef maður spáir i þessu með jákvæðu viðmóti þá er frábært að sjúkrahúsið skuli æfa þetta því þó J-Lo sé kannski hvatinn að því þá hlýtur þessi protokoll að eiga við öll börn sem er rænt af sjúkrahúsinu (sem gerist nú alveg í ameriku) og því græðir sauðsvarti almúginn á þessu.. og hún er nú fræg svo kannski er vinsælla að stela hennar barni en annarra.. hún getur jú borgað meira en við hin til að fá það til baka...

[Garún, 15.2.2008 kl. 00:20]

Það er alveg rétt sólveig, en ég óttast samt að litlu krílinn verði veruleikafirrt.  En afhverju eru ekki þá svona æfingar reglulega fyrir almúgann???   Það vill enginn ræna barni JLO....

[Ragnhildur Sverrisdóttir, 15.2.2008 kl. 10:15]

Kaninn passar afskaplega vel upp á börn á fæðingardeildum. Þegar stelpukrúttin okkar fæddust í Kaliforníu voru þær tengdar við alls konar rita og mælingartæki. Við Kata áttuðum okkur á að þarna var hjartariti, svo var fylgst með andardrætti og alls konar tilfæringar aðrar, sem allar meikuðu sens. En litla tækið, sem fest var um ökklann á þeim, skildum við ekki. Þetta reyndist vera þjófavarnarkerfi!! Ef einhver reyndi að fara með litla krílið út af deildinni fór svakalegt kerfi í gang.

Kannski var þetta bara allt saman tengt ógurlegu mikilvægi okkar Kötu og stórfenglegri frægð?? Hmmm, hafði nú ekki hugsað út í það, hélt þetta hefði gilt um alla.

[Fran Miller, 16.2.2008 kl. 00:23]

Krýsuvík ætti að vera með einföldu, kríli með ý og ég held það væri líka þægilegra ef firring væri með y. Gefur þessum orðum meiri vygt-finnst mér

[Árni Gunnarsson, 25.2.2008 kl. 00:21]

Veruleikafirringu ber að rita með Y ef ástandið er orðið mjög alvarlegt.