Morðgátan

Laugardagurinn verður hér eftir settur í heilaskúffu minninganna undir "besti dagur í heimi" það er langt síðan ég hef skemmt mér eins mikið.  Dagurinn byrjaði á að leikhópurinn "skuggabörn" eða "laukur" (ekki alveg ákveðið) kom klukkan 15 í Hafnir og við létum eins og fávitar þangað til það var grillað.  Eftir matinn fórum við að undirbúa sakamálaráðgátuna sem við höfðum auglýst.  Svo mikið gekk á að stiginn brotnaði.  Bara gaman aðþví.  Ok reyndar ekki í morgun þegar ég gleymdi því og hrundi niður hann, vantar nefnilega eitt af efstu þrepunum!!  Jæja það má laga það....anyway.  Klukkan 23:30 komu 10 gestir, fólk sem ég þekkti, suma kannaðist ég við og aðra þekkti ég alls ekki!  Þessir gestir fengu blað og penna  og morðráðgátan hófst.  Næstu 50 mínúturnar urðu þesir gestir vitni afþví að það sökk bátur fyrir utan Hafnir, tryggingasvik komu í ljós,  Margrét kona Sigurpáls var myrt, Adolf lamdi Gunnar skipstjóra, Aðalbjörg Knútsen var skorin á háls og Baldvin og Stefanía Waage drápu alla gestina með samblöndu af haglabyssu og gaskút.    Sem sagt frábært kvöld.  Eftir ráðgátuna var síðan spjallað um leikinn og athugasemdir og grunsemdir gestanna safnað saman.  Þetta var frábært!  Og allir tóku svo mikinn og góðan þátt, spurðu spurninga og reyndu eftir bestu getu að leysa gátuna sem við bjuggum til fyrir þau.  Eftir leikinn var dansað og farið í singstar til hálf fimm um nóttina.  Næsta ráðgáta verður í byrjun Júní og getur fólk byrjað að skrá sig.  Athugið.  Þetta er leikhópur sem sér um ráðgátuna en þið verðið að ráða hana og getið freistast til að giska á rétt og unnið ykkur inn 10.000 kr.  Mamma vann síðast en hún náttúrulega svindlaði því hún bjó höfundinn til!!!.   Ef ykkur langar að sjá myndir þá eru þær hér við hliðina undir "alls konar vitleysa".  

p.s Ég er farin í heitt bað!  Er með geðveikar harðsperrur og svo eru nokkur rif brotin eftir stigaskutlið mitt í morgun.  Góðar stundir.  heeeeeeeeeeeeiiiii elsku leikhópur hvað með að skíra leikhópinn Góðar stundir????  

Athugasemdir

[Gummi Simma (IP-tala skráð) 11.5.2009 kl. 17:44]

Algjör snilld.

 Hér með skrái ég mig á næsta show í byrjun Júní!

 Kv.

Gummi

[willa (IP-tala skráð) 11.5.2009 kl. 17:54]

Við Dóri mætum, það er sko ekki spurning........ég hefði verið til í nokkrar gátur....þarf bara að muna að taka með penna

[Lilja Guðrún Þorvaldsdóttir, 11.5.2009 kl. 19:54]

Humm,  hljómar alveg hrikalega spennandi, eru einhver aldurstakmörk ?

[Jenný Anna Baldursdóttir, 11.5.2009 kl. 21:37]

Rosalega er þetta sniðugt fyrirkomulag.  Ætli maður endi ekki með því að mæta, þarnæst eða eitthvað.

Þangað til, auðvitað tókst þér að gera þessa frásögn veinandi fyndna.

Brotnaði bara stigi?  Hvað segir þú?  Léttur og löðurmannlegur fórnarkosnaður á heimil.

Garg.

[Magnús P. (IP-tala skráð) 12.5.2009 kl. 09:02]

Þetta var glæsilegt. hlakka til að sjá ykkur næst.

[björk (IP-tala skráð) 14.5.2009 kl. 00:39]

Frábært ég mæti ef ég er ekki að sýna Fúlar

[Ólína Kjerúlf Þorvarðardóttir, 14.5.2009 kl. 10:57]

Hljómar spennandi - en ég spyr eins og Jenný, ertu viss um að það hafi bara verið stigaþrepið sem brotnaði? Rifbeinsbrot kemur oft ekki í ljós fyrr en frá líður (þekki það af eigin raun).

 Farðu varlega - og gangi þér vel með alltsaman.