Nýja kennitölu takk - þessi virkaði ekki!

Jæja ég hef ákveðið að kveðja sem fyrverandi ég.  Ég hef ákveðið að skipta um kennitölu.  Gamla kennitalan mín er ónýt eða sem sagt 1002763059 er skuldum vafin og ekki pappírsins virði.  Þessi kennitala er líka alltaf að fá innheimtubréf og það er eintómt vesen með hana þessa. 

Planið er að fá nýja kennitölu!  Mér dettur í hug 1002093059 (vona að hún sé laus).  Síðan ætla ég að koma eignum undann með því að flytja þær til Vestmannaeyja og svo aftur í Hafnir í húsið sem ég seldi sjálfri mér áðan á 10.000 krónur.  Þar með er húsið orðið seif ekki satt!  Ég seldi bílinn rétt í þessu á 200 krónur til nýju mín og er frekar sátt við að fá svona hátt verð fyrir hann.  Ég seldi reyndar ekki mótorhjólið mitt en ég gaf sjálfri mér það núna rétt áðan sem bónusgreiðslu. 

Síðan ætla ég að nota 100 þúsund krónur í að kaupa hlutabréf í sjálfri mér og ég ætla kannski að borga mér það til baka þegar hlutabréfin eru búin að margfaldast, en reyndar þarf ég þess kannski ekki þar sem ég get látið greiðsluna ganga uppí bónusgreiðslu til mín eða sem ráðgjafaþóknun því ég þarf jú að kenna nýju kennitölunni hvernig kennitala ég vil að hún sé.  Ef síðan nýja ég er með eitthvað múður um að fá ábyrgð fyrir þessum hlutabréfakaupum mínum í sjálfri mér þá sendi ég henni bara email þar sem ég skipa henni að halda bara kjafti því annars fæ ég mér bara enn nýja kennitölu sem kann að þegja og gera eins og henni er sagt! 

Vá þetta er ógeðslega siðlaust og kemur á óvart hvað þetta er skemmtilegt!  Auðvitað er ég miður mín yfir öllum FIT kostnaðinum og þjónustugjöldunum sem bankinn minn fær ekki.   Auðvitað er ég leið yfir öllum stofnunum sem ekki fá peninginn sinn og vextina og enn leiðari er ég yfir lögfræðistofunum sem ekki geta fengið pening fyrir að klína á skuldir mínar ótrúlegum upphæðum.  En ég veit að ég mun jafna mig. 

En svona án gríns......hvar skipti ég um kennitölu? 

Athugasemdir

[Ellen (IP-tala skráð) 13.4.2010 kl. 00:05]

Undir venjulegum kringumstæðum myndi ég segja: nú hringi ég í Jens....

En þar sem það er einkahúmor er ég ekki viss um að íronían skili sér. Skil ekki orð af þessum pistli, ætla að láta unnusta minn, háttvirtan starfsmann FME þýða hann fyrir mig.

Góðar stundir. 

[Sunna Sigrúnardóttir, 13.4.2010 kl. 00:30]

ugh mig langar í nýja kennitölu.... ég reyndi að skipta um nafn en það dugði ekki neitt svo ég skulda ennþá böns! allavegana ef þú nærð einhverntimann að skipta láttu mig vita...getum kannski fengið tvær fyrir eina á hálfvirði....ehehe

[Monica Nielsen (IP-tala skráð) 13.4.2010 kl. 18:40]

Du må få mine islandske cpr nr. de virker stadig og 130574 er vel et ok nr?? NOT

Men der er ingen skyld i nr :) INGEN SKYLD

[Jóna (IP-tala skráð) 15.4.2010 kl. 10:41]

Ef þú ert með svona mikinn móral elskan, þá skrifar þú bara afsökunarbréf í Fréttablaðið og allt verður gott aftur.

Alveg satt elskan.

kv

mamma

[Hrönn Sigurðardóttir, 16.4.2010 kl. 23:56]

Hey... já.. eða færð jafnvel aðstoðarmann þinn til að skrifa bréfið.

....og verður svo alveg hakuna matata ;)

Leitt að ég komst ekki á sýninguna ykkar. En ef það er einhver huggun harmi gegn þá hafa allir sem ég hef hitt og hafa farið verið einróma um að hún sé stórkostleg þessi sýning!

Komdu svo einhverntíma í kaffi með Rósu litlu. Hún hefur svo gott af því að hitta mig ;)

[Einar Örn Einarsson, 18.4.2010 kl. 09:30]

Muna að gráta pínulítið með, þegar þú biður afsökunar.

Gaman að sjá þig / lesa þig 

[Hildur Birna (IP-tala skráð) 19.4.2010 kl. 13:22]

siðlaust en svolítið smárt :)